Два словы пра лагатып

Як зразумець, ці добры лагатып перад вамі

Стварэнне ўласнага лагатыпа – гэта адзін з найбольш важных і эфектыўных шляхоў прасоўвання брэнда. Шрыфтавы лагатып складаецца з аформленага па-мастацку або набранага акцыдэнтным шрыфтом назова. Лагатып-сімвал мае выгляд лаканічнага візуальнага вобраза. Камбінаваны спалучае тэкставыя і сімвальныя элементы. Галоўнае – не "распавесці ў малюнках" пра кампанію; галоўнае – прыцягнуць увагу патэнцыйнай аўдыторыі і ўтрымаць яе.
Прычым зусім не абявязкова, каб лагатып дакладна асацыяваўся з кірункам дзейнасці фірмы. Узгадаем такіх гігантаў, як Apple або Starbuks. Яблык мае дачыненне да сучасных кампутарных тэхналогій прыкладна такое самае, як русалка – да кавы. Не ў апошнюю чаргу праз сваю "недарэчнасць" гэта вельмі запамінальныя і арыгінальныя вобразы, таму яны добра пазнавальныя ўва ўсім свеце.

Дакладныя і простыя формы – вось ключ да поспеху.

Тое самае можна сказаць і пра выбар колераў.
Занадта яскравы, стракаты лагатып запамінаецца горш, дадатковая праблема ў выпадку шматколернасці – падбор суладнай каляровай гамы. Выдаткі на рознакаляровы друк фірмовай прадукцыі нават не згадваем. Таму варта падабраць некалькі колераў, што ідэальна спалучаюцца міжсобку, з увагі на спецыфіку кампаніі, для якой распрацоўваецца лагатып. Лепш абысціся без паўтонаў і тонкіх адценняў – на друку яны могуць моцна перайначыцца.

Памятайма: “лакмусавая паперка” для кожнага лагатыпа – лёгкасць яго прачытання ў чорна-белым варыянце.