Віды сайтаў. Частка II.

Спецыфічныя віды сайтаў ад інтэрнэт-крамы і да сацыяльнай сеткі, паводле класіфікацыі арт-студыі PRAS. Які сайт пасуе вашаму бізнэсу?

Другая частка аповеду пра асноўныя катэгорыі сайтаў, якія распрацоўвае нашая студыя.

Прома-сайт

Сайт, створаны адмыслова для прасоўвання якога-небудзь тавара ці паслугі, альбо асноўнага сайта кампаніі. Адрозніваецца ад звычайных сайтаў вялікім аб'ёмам графікі і малюнкаў, а ад landing-page - наборам старонак.
Ідэальна падыходзіць для вываду на рынак якога-небудзь прадукта ці паслугі, альбо для правядзення рэкламных кампаній.

Сацыяльная сетка

Web-платформа, прызначаная для пабудовы, арганізацыі і падтрымання сацыяльных узаемаадносін. Сацыяльныя сеткі бываюць як тэматычныя (для паляўнічых / супрацоўнікаў / чыгункі / дызайнераў), так і агульнымі (для ўсіх).
Сайт такога выгляду падыйдзе як для вялікіх карпарацый, у якіх ёсць неабходнасць даносіць інфармацыю да ўсіх супрацоўнікаў адначасова, так і для бізнэса, які плануе зарабляць на тэматычнай рэкламе.

Інтэрнэт-вітрына

Інтэрактыўны сайт, які рэкламуе тавары альбо паслугі, дае падрабязныя звесткі пра іх і азнаямляе з месцамі продажу. Продаж тавараў і паслуг праз сайт не ажыццяўляецца. 
Старонкі такога кшталту патрэбныя найперш кампаніям з вялікай колькасцю крамаў, альбо брэндам.

Інтэрнэт-крама

Прыкладна тое ж самае, што і інтэрнэт-вітрына. То бок, у карыстальніка ёсць магчымасць праглядзець тавары і інфармацыю пра іх, але дадаткова сайт прымае замовы на набыццё, прапануе карыстальніку выбар разліку, падлічвае і выпісвае рахунак на аплату, адначасова падцвярджаючы яе.
Такі варыянт сайтаў падасца цікавым для невялікага і сярэдняга бізнэсу, які не мае offline-крамаў.